رد: ابو كريشة
وعليكم السلام ورحمة الله وبركاته
شلونتس نمله بالخارج سليب فار أواي 
والحين أم كريشة عادي لو تسدحت بهالتمارين مع أبو كريشة؟
يقولون ان تمارين النواعم غير تمارين الخواشن
وانتي قلتي أبو كريشة
وهالشي أثار حفيظة استفساري >> على ماكنتوش
مدري وش أقول لتس وربي
أحس لياقتي كل مالها وتدحدر
صرت أتعب وأنا طالعه لغرفتي وأتعب اذا نزلت منها
واتعب اذا فكرت في مشوار أقضيه كيف بطلع من البيت وكيف بركب السيارة
أحس اني أعاني معاناة العالمين
نفسي أطلّق رجيلاتي على الأقل ربع ساعة بس ماهناك وقت (وجه شبعان كسل)
حتى في المدرسة يادوب أوصل للفصل وألصق بالكرسي ألين يقولون ضفي خلاقينتس
ووقت الفسحة ماأتهنى به لأني بنت نظام  << لزوم النظام
عادني قلت لأبوي يسوي مضمار مشي بحوش البيت
قال تهبين نبي نسويه باركينق >> شكرا غرشة
وهذاهو سوّا لنا اسطبل سيارات ثلاث على اليمين وثنتين على اليسار
والتويوتا الغمارتين قدام الباب
اللي يدخل يتكحل بشوفتها الله يدوم عزها
وأحياناً يجي أبو جيرانا ويحط سيارته عندنا >> صدقيني تكفين
الزبدة ان جونا مايساعد على المشي
والتمارين صعبة وتكسر العظام وتسبب عسر الركب (وجه سطح)
أبي حل غيره يسمح لي بالكبسة والبيبسي والنوم بعدها
وياليت يخترعون شي يغسل اليدين بعد الأكل بدون مانقوم
جد جد التمارين سهلة
بس أول واحد يمصع وربي
وآخر واحد نسويه اذا وقفنا في الفصل>> دايم توقفين؟
ولكن درهم وقاية خيرون من قطار علاج 
يعطيتس العوافي مس أبله نملايه وعساتس الكرشه بعد ست ولادات
ويذ تمرين رقم 3>> يعني الله يعين خدودنا
|