قصيدة غيث الوصال للشاعر المبدع


"®" محـــــــمد مريـــــــبد العـــــــازمي "®"


شاعر
يمسك بقلم الوجد ليخط ترنيمة الوصال البعيدة..
شاعر
فرض وجوده في الساحة الشعرية ..
على الرغم من تكدسها بالشعراء..
شاعر
الكلمة قبل أن يكون شاعر القصيدة..
شاعر
له مستقبل زاهر في الساحة الشعبية..
شاعر
أتوقع أن يخلد التاريخ أسمه..وأنا من أشد المعجبين بقصائده..
وأتمنى أن تحوز على رضاكم هذه القصيدة التي انتقيتها من ضمن قصائده الكثيرة..




العمر فرصه و الحياة أيام والدنيا صروف
والمشتبه بالأمر مابين الحرام من الحلال

والشًعر ديوان العرب و أنا بشعري فيلسوف
اترك دقاق الشعر وانقي من معانيه الجِلال

والبارحه صدر الجنوب يضيق واسوق الحسوف
وين انت ياصدر الشمال احتجت للفزعه تعال

وردت مجاهيم الليال حيام ورياحي شغوف
من يوم وقفني بدرب العشق يسألني سؤال

واقول له بيني وبينه يا عسى الحب مخلوف
إن ما رجع ربحه علي الله يرده راس مال

كم لي وانا تكويني الدنيا على روس الكتوف
واشيل مالا أطيق من شانك واحملها الجبال

وقفتني بالشارع الضيق و ممنوع الوقوف
مسار واحد والمصيبه لا يمين و لا شمال

تقول طوّفها معي واقول عيت لاتطوف
أجيبها منّا .. تجي منّا .. ولا فيها مجال

والحب ما ينفع معه فزعه ولا واو معطوف
والحب لو زالت جبال الأرض ذكره لايزال

يرقى على رجم الغرام ويخدمه نبض الحروف
شوي من نسج الغلا وشوي من نسج الخيال

وش عاد لو غنّيت طاروقك وصفيت الصفوف
صفاً يبا ياقف معي وصفّ ليا من رحت شال

والله لتبطي ما وصلت أدنى مواصيل الهنوف
الجادل اللي دمعها لارحِت والا جيت سال

الجادل اللي طيفها عندي ولا كل الطيوف
أم الحلا وأم الغلا وأم الدلع وأم الدلال

اللي هداياها ملت كل الزوايا والرفوف
ويطلع بطلتها بدر ويغيب لا غابت هلال

وأنا أقدرها مثل تقدير-حاتم- للضيوف
واطرب على فية غلاها كل ما مال الظلال

وأعيشها عيشة عمر مابين أمن وبين خوف
وازرع لها شعري وهي تسقيه من غيث الوصال

حتى خذتني حق وأنا أخذتها رغم الأنوف
واسكنتها روحٍ عن هروج البشر منفى اعتقال

وإلا أنت قربك ما يشجعني وفرقاك معروف
اقلط على نزف الشعر والفال يقفاه العقال

حتى لو أنت ألذ من تمر المدينه والهفوف
ارحل ترى ايامك خِضِر لكن ترى سنينك هزال

وفر دموعك دام دمعك مر والدرب محفوف
جعلك فدا من هلت دموعه على شان-ابتهال-



مع حبي وتقديري لك من قرأ هذه القصيده ..



طحياااتي..

__________________