الـزكـرتيه - عرض مشاركة واحدة

**بيـــــــــش** · 04-30-2007, 06:36 AM

بافي

شوكرن على المرور أسعدني تواجدتسي

عمو الباشا بيه دجه

شوكرن على تواجدك وأسعدني مرورك

<< علشان كسر الروتين بس

ولا تروحون بعيد لأني مابعد خلصت كلام

بافي كأني أشوف وجهتس يوم انكسر خاطرتس لبى خاطرتس وقطيعاته المتكسره

تعالي أجمع شتات خاطرتس وأروي ظما الماضي >> على عصير

وعلى طاري العصير

أكيد تذكرين قصيدة بن فطيس أبو خمسمية ألف وخمسمية ألف

قصيدته اللي قال فيها مدري وشو وحزة عصير

إي عرفتيها (الوجه اللي غصب يسولف)

عطتني وحده نسخة من القصيدة وكانت معجبة بالشاعر نفسه

مدري ماشافت الشمري؟

المهم تحمست يوم شافتني عطيتها وجه وخذيت منها الورقه

قالت اصبري أقراها

وغصب قرتها وجابت العيد وكل مناسبات السنة بنوعيها الهجري والافرنجي

وأنا ماسكه لساني عنها وشاقه وجهي ابتسامة ملحااااء

من ظاهرها الاعجاب ومن باطنها تقول اسكتي وجع

ألين قالت عصير

قلت لها عصير برتقال وإلا شمام؟ >> الله من المصاله في الثنتين

ومن ذاك اليوم وأنا أنصحها تحب عبدالرحمن رفيع

والظاهر انها ملزّمة على ابن فطيس عينها على الفلوس والبعارين اللي جاته

وإلا المليون طيّرهم الله ياجره

بافي وش رايتس بالشمري؟ >> تبي تختبرها هي معها وإلا لا

اقتباس:

خخخخخخخخخخخخ اجل مكان الأمهاات ,,
والله يوم اني صغينونه كنت اصيح بركب بمكان امي ..
و الوالد يقول اذا اعرستي تركبين قداام ..
وكان كل طموح وقتهاا اني اعرس و اركب قداام ..
ولا اعرست ولاركبت قدااام <<<< يا حياة الشقااا

أنا بالنسبة لي ماأبي أركب قدام

لأني أحوس أم الأدراج والدواعيس والمنافذ المجهولة في العدّه اللي مقابلتني

وبذلك أنشغل عن النظر إلى ماخلق الله في السيارات المجاورة

هذا شي

و شي ثاني اني أحاول أبعد نفسي عن مهالك الردى

ولاحظي أن أغلب وفيات الحوادث والمكاسير والمصاخين تلقينهم راكبين قدام

وما الله حادني ألبّي نداء الموت وأنا في سيارة بسم الله علي

ان شاء الله أموت بعد ماأوصل بيتنا وسط أهلي >> تبي تشوف من اللي بيصيح عليها قبل تموت

بعد عمرن طويل ان شاء الله

و شي مهم في ترك الركوب في القدام وهو ان ورا أزين والله

سعه من الله تقدرين فيها تسدّحين وتمغطين عصاقيلتس وتفتشين لو بغيتي بعد

وتقدرين بعد تاكلين آيسكريم بدون ماتتبهدل شيلتس وماتضطرين بعدين تقلبينها

و ان ركبتي ورا وصرتي من اللي يحبون يتلزقون عند البيبان بقصد التأمل في مخلوقات الله

راح يصير عندتس خيارين يمين ويسار وليس خيار واحد مثل اللي تركب قدام

وشي أحلى وأحلى بعد ،، لو ركبتي ورا اللي يسوق

ان كان أبو وإلا أخو ففرصة حلوة انتس تعدلين نقابتس وشيلتس

وحطي في بالتس انتس بتتهزئين

وان كان أوب أبو ولا أخو ولا واحدن حلال فـ

واللي تبي تركب قدام بكيــــــــــفها ،، حتى أنا بكيفي >> ودها

بافي وش رايتس بقيادة المرأة للسيارة؟ >> مازالت تتأكد اذا كانت معها أو لا

اقتباس:

بيش تهبللل فتاة الغلااف اللي حاطتهاا ..

سوو كيووت .. تبيعينهااااا

اصبري ألين اشوف ردة فعل باربي وفُلّه والتيلاتبيز

ان حبوها خليتها على ذمتي وان هاجموها بعتها عليتس بسعر رمزي

وبكتب عليها من ورا ,, للبيع لعدم التفرغ (وجه بقالة ماأحد يشتري منها)

اقتباس:

تصدقين ما ناسبني الا اول وظيفه .. احس انك مسويتها عشااني ..
بس هاااه الراتب تراي ما ارضى بأقل من 7000 في البدايه بس

هذا شرط من شروط القبول وأخلّيتي به

قلنا انتس ماتطالبين بالراتب ألين حنا بكيفنا نعطيتس

واذا ماعطيناتس تنسحبين بهدوء وتعرفين بالتلميح انتس ماعجبتينا

ونسيت أقول ان الرواتب ماتنزل إلا كل ستة شهور مره ،، نبي نجمع لكم لاتصرفونها

مؤسستنا وبكيفنا

وترى عندنا عرض للي ماتطالب بالراتب

نبي نزوجها فريق أول ركن على وش تقاعد ،، يمدحون راتبه

وخري بافي حبيبتي

ماعندي لتس وظيفة تعبتيني وأنا أقرا ردتس

بغيت ألقى فيتس شي متوافق مع الشروط مالقيت ولا دوعي >> راجعي الإكسفورد الحساوي

مو علشانتس تعرفين اني أحبتس تظنين اني أبتوسط لتس

لا ياأمي عندنا شروط نمشي عليها ومانتعامل بالواسطات

إلا للي خبرتس

وان شاء الله ربي يكتب لي ولتس ولجميع المسلمين التوفيق

وان شاء الله تصيرين أم وتنسين تدعين لولدتس يوم الاختبار

وربي يحده علينا ونوظفه عندنا مقاول أول علشان يصير أول مثل أبوه

حياتس بافي ست هانم

ومشكورة ياألبي على الـ بسرعة في الرد

ويذ مواضيعتس : يعني مانيب مصوته لشي منها الين تضيفين لها شي للسواق