وعليكم السلام والرحمه

جمرة غضى

ماترين باس وجعله طهور وتكفير ذنوب ان شاء الله

ادخل للموضوع

عادات وتقاليد وبروتوكولات وبقس وبقسين وشخوط كلها انا ماارى انها السبب اللي

خلا البنت تشوفينه بهالحاله وتعبش انواع الذل اللي والله انه ينكسر قلبي على البنات مثل ماذكرتي .

انا ارى انه لا مانع اني اقول لشخص عطيتك كما العرف " اخطب لبنتك ولا تخطب لولدك "

ولكن قبل لا الفظ بهالعباره اكون متاكد من هالشخص هل هو من يستاهل يعني دينه

خلقه تعامله كل شيء اتاكد منه وا سال بعد عنه اقرب الناس حتى لو كان قريب مني او

اعز الناس .

ماذكرته بالاعلى قد يكون من وجهة نظري ما افتقدت له هذه البنت وانا من واقع

وقوفي على

بعض الحكايات اللي مرت باشخاص قريبه مني انه في حاله الزواج بطريقه "عطيتك"

يكون فيها نوع من الاستهانه على قولة العامه "شيء بلاش ربحه بين " وهذا غلط

صحيح عاداتنا وتقاليدنا تحكم علينا ببروتوكولات لكن مو على حساب حياتي او حياة

هالبنت وغيرها من ضحايا عطيتك .

" انا ما انكر ولا احبذ الغاء العادات والتقاليد لكن نا خذ ما يتوافق مع الدين والوقت الحاضر

ونرد ونرفض العكس . مو قران منزل وخلاص عاداتنا والناس وش تقووول عنا وانا رجال

كلمتي ماتنزل الارض" لا تنزل لا بارك الله فيك وبمثلك ذي حياة وعايله ومجتمع كيف

يكون مجتمعنا بعدين ؟ مبني على كلمه ماتنزل الارض .

ومن واقع تجربة شخصيه لي انا طلب مني شخص اقدره واحترمه كبير في السن ا

الزواج من بنته

وانا اعرف وواثق كل الثقه ان البنت نتربيه وطيبه وعارف بعد ان مستوى التفكيير بيني

انا وبنته يختلف بحكم اختلاف

البيئات لكن بالضغط من الوالد والوالده وافقت عقب ماقلت للرجال افكر واستخيير وارد

منك وبعدها تحدد وقت الشوفه والملكه بعد وانا ادعي الله في الصلاه ان يقدم ويكتب

لي الخير والحمدلله على كل حال انتهى الموضوع باتصال على الوالده من البنت قالت

انا مجبوره وغاصبني ؟؟؟؟؟؟

حسيت وقتها ان هالبنت اشجع مني وانتهى الموضوع ناهيييك عن الملابسات الي

حصلت بعد وكلها تجعلها وتلوم العادات والتقاليد " كيف يقول لا والرجال داعيه".


لو كان موقف البنت اللي شفتيها مثل موقف البنت اللي انجبرت علي انا لاخذ الموضوع

طريق اخر .

لو تفتح عمل الشيطان ولكن ما اود الاستشهاد به عادات وتقاليد وناس تعزف عن الزواج

وعنوسه "وظل رجال ولا ظل حيط "لكن لا لا نصب اعييننا " اذا اتاكم من ترضون دينه

وخلقه فزوجوه "

والبنت لازم يكون لها حرية الاختيااار وحريه قولت لا بسبب مقنع .

تحمست مع الموضوع وسلامتكم ..

جمرة غضى

مشكوره على هالموضوع واسف على الاطاله

__________________
______________________
اخر سواليف الغلا 000
.
.
.

الامني تباطيتك وجا بخاطري لك شوق

دعيت ان الفرح دربك ولاتنشاف بك ضيقه
______________________