الـزكـرتيه - عرض مشاركة واحدة

جمرة غضى · 04-28-2007, 07:47 AM

السلام عليكم ورحمة الله وبركاته

ما أدري المرض الي خلاني افتح جعبتي وأخرج مابها من غيض

وش شعورك لما تكتب او تكتبين موضوع والسخونه تصب منك ودرجة الحراره

واصله 36 وشويه

وش شعورك وانت ... وانتي ... تتجولين في المنتدى بحالك لا حولك

لاقاصي ولاداني

وش شعورك لما تطلق .. تطلقين العنان لكيبوردك من دون سابق تحضير

لموضوعك

ماعلينا نخش بالموضوع

البارح الساعه 11 كنت في المستشفى طبعا في كنت جالسه في غرفة الأنتظار

الى ان يحين دوري

وكانت جنبي وحده

مو

انتبهوا زين

وبصراحه يوم شفتها قلبي تقطع عليها والله ان وجهها صاير ساحة تفحيط

من اللشخوط والكدمات اللي فيه تبقيس على أوصولوا

وانا من طبعي اني انطوائيه وما أحتك ولا أسولف مع حد في أي مكان

لكن كسرت خاطري هالبنت ورحت يمها أسألها وش بها واذاكانت تبيني

أساعدها واقردنها وامسك يدها أواسيها أقولها اروح اكلملك الدكتور

يعجل بدورك لأني احسك تعبانه حيل

أمسكت يدي وضمتني وربي اني بكيت سوينا فيلم هندي

قلت لها قولي لي وش بك يوم شافت دموعي فضفضت

تدرون وش مشكلتها طبعا وش دراكم ..

انا أقولكم

البنت هذي من قبيله لها عادات وتقاليد ككل قبيله ابوها متوفي

وماعندها الا أمها وخمس خوات واخوان اثنين خواتها كلهم متزوجات

واخوانها واحد متزوج وعايش برا مع حرمته .. واخوها الثاني أعزب

وهو ولي أمرها .. جاها يوم من الأيام وقالها ترى انا عطيتك لفلان بن فلان

وهو واحد من اخوياي قالت له كيف وليش منه ومناك تكلمت مع امها

تترجاها انه مايزوجها والأم المسكينه مكسورة الخاطر مثل الطير اللي ماله

جنحان يبي يطير مو قادر ... حصل ماحصل وسوا اللي براسه وزوج اخته

حق هالشخص اللي ماتدري وين نصيبها بيوديها معه .. عاشت معه اربع سنوات

من الهم والعذاب ذاقت طعم المر .. يفطرها بقس يغدها بقسين .. يعشيها ضربه قاضيه

ومو كذا وبس الاخ يجيب بنات عنده بالبيت ويسهر معهم بالمجلس وطاش الأولي والتالي

ولا مفكر ان هالبيت فيه حرمه لابد يحترمها ويقدر وجودها

انا اللي ابي اتوصله من هالموضوع هو (( عطيتك )) ؟؟؟؟؟

الكلمه هذي هل هي صفقه ... ام مبايعه ... ام ماذا ؟؟

انا بوجة نظري اشوفها مثل بطاقة شحن يشحن صاحبها الجوال وثم يرميها >> بما معنى

معقوله المباديء او العادات والتقاليد التي يتخذها البعض كشهامه ورجوله

تصل الى حد ان يرمي الأخ بأخته أو الأب بأبنته بكل سهوله وكأنها حذاء

بالي كان يلبسه وفسخه ليرميه ...

كل مجتمع وقبيله لديها عادات وتقاليد ولكن العقل لايسمح بأن تتعدى تلك العادات

منطق الدين ومنطق الحكمه

الله تعالى يقول :

( يا أيها الناس اتقوا ربكم الذي خلقكم من نفس واحده وخلق منها زوجها

وبث منهما رجالا كثيرا ونساء واتقوا الله الذي تسآلون به والأرحام ان الله كان عليما رقيبا)

صدق الله العظيم

بالله أبي رايكم بالموضوع

وعذرا للأطاله >> اللسخونه لها دور تخلي الواحد يهذي يهذي لين الله يشوف له

ياحبي لكم يازكرتين وزكرتيات

القاكم بخير