الـزكـرتيه - عرض مشاركة واحدة

**Buffy** · 04-26-2007, 08:32 PM

و عليكموو السلااموو..

بيش .. وش هالحركتات .. ستايل جديد .. و موضوع جديد ..

تراااي بديت اغاار <<<<<وش تبي ذي

اقتباس:

ومن باب طق الحديد وهو حامي

أحب أقول لكم ان هالموضوع فيه سحب على جوائز >> تهقون لاقيتكم؟

والجوائز تنقسم إلى ثلاث أقسام :

قسم السحب التجاري : يعني نسحبك ألين تقط فلوسك في جيوبنا ونطلق سراحك

والسحب الكبري : يعني نسحبك أنت بكبرك على الجوائز ونوريك اياها ولانعطيك منها

والسحب السحبي : أي انهم بيسحبون عليك ولاراح تشم ريحة الجوائز

فعجّل علينا بإرسال الإجابات عبر رسايل الـ MMs و الـ SMS

والـ RYM يعني ردد ياليل ماأطولك

أقوول وش رايك تسوين جايزه ثالثه <<< حاطه عينها عليهااا بس مو تسحبين علي مثل الجوايز السابقه

اقتباس:

فقال له : من يعودك من الأطباء ؟ فقال : ملك الموت .

فقال له : موباااركون ميمووون

ثم قال : ماغذاؤك ؟ فقال له: سم الموت .

فقال له : طعامون طيبون محمووود >> أنشهد انه كمخه

نعم أنه كمختون كبيرون

تبين الصدق .. تلقينه مسوي فيهاا بار

و اظن والله اعلم انه من جنبهاا

اقتباس:

اللي خلّص البيبسي والليز حقه يروح للبقالة يشتري

علشان التعهد بس

ولا يحاتي لأني بنتظره ألين يرجع علشان أبدا في الموضوع

يلا روح يا بابا هذا احنا كلنا في حرواك

روح ياعساني فدى حلاياك

واللي نفسه مسدوده .. ومايبي ياكل شي .. وشايل هم اختبااره يروح بعد والا لااااع

اقتباس:

وأثناء الفاصل تشوفهم شاقين الابتسامة ومغشيتهم فهاوة ينتظرون مابعد الفاصل

كنكم تقصدووني ..

اقتباس:

ج1 : شافت واحد يسوق سيارته بسرعة ماهيب شوي

والسيارة ماخذته على قد عقله وتمشي

والمشكلة ماهيب هنا

انه راكب عكس الناس >> ماتدري يمين وإلا شمال

كان يسوقها وهو جالس مناك مكان الأمهات

خخخخخخخخخخخخ اجل مكان الأمهاات ,,
والله يوم اني صغينونه كنت اصيح بركب بمكان امي ..
و الوالد يقول اذا اعرستي تركبين قداام ..
وكان كل طموح وقتهاا اني اعرس و اركب قداام ..
ولا اعرست ولاركبت قدااام <<<< يا حياة الشقااا

اقتباس:

هالسالفة أشغلت بال بنتنا المذكورة بالخير

وفتحتها مع أهلها واستنتجت في ختام النقاش مايلي :

- سياراتنا غير سياراتهم
- حط أمك على يمناك ،، تنسى الهم وينساك >> وليد اللحظة
- ويوم الأجانب يسوقون من اليمين يمكن يلمحون للأمهات والبنات بشكل عام ،، يعني ترى حتى اليمين ينساق منه
- ترى البنت ماهيب أنا

تصدقين هالبنت تمتلك ذكااء خاارق ..
و تذكرني بنفسي علي طلعاات غريبه مدري وش تبي

اقتباس:

1- شريدة ولد خلوق وربي راضي عليه يومه أرضى والديه

نجح من الثانوية ولكن أمه لهت عنه ونست تدعي له قبل اختبار الكيمياء مما جاب نسبته للأرض

ياحليلي ..
والله ماخلي امي تلهى عني ابد .. قبل لا اناام بالليل ..
اقعد ساعه اشرح لها صعوبة الماده و ان الاستاذه نذله و ماتنجح احد ..
واني اذا نجحت فهو بسبب ذكائي و نباهتي ..
وهي تحزن على حالة بنتهاا ..و يطير منهاا النووم..

والصبح قبل لا أطلع .. اخليها تدعي لي مليون دعوه ..
و اقول لا موب كذا خليهاا تطلع من قلب مو تسكتيني بس <<<<

طبعاً هذا هو السبب في تفوقي دائماً وابداً اكبر دليل نسبتي بثالث ثانوي<<<< قولوا ما شاء الله لاتصكونن بعين

اقتباس:

وقدم في الحدعش جامعة والألفين كلية ولم يبونه

ياحراام والله ذكرني بنفسي اياام التقديم عالجامعه ..
بس ربك ستر و قبلوني أول ماشافوا خشتي قالووا تعالي بس

اقتباس:

وشارعليه أبوه يقدم على وظيفة ويدحر الشر (لأن الولد بدا مع الفراغ ينحرف شوي)

وذهب لمكتب العمل وقالوا له حط ملفك وبنتصل عليك

وصار ياخذ تليفون بيتهم معه حتى للمسجد ومفكر انه يرفعه اذا اتصلوا ويسمّعهم صوت الامام

منها يعذرونه ومنها ياخذون عنه فكرة زينة إنه حمامة مسجد ويقبلونه

وحدث أن أبوه اشترى تليفون جديد لاسلكي يبي يخفف عن ولده مشاقل ذاك التليفون الثقيل اللي أرقامه تدور

ولكن سليمان رفض بشدة خايف مايعرفون رقم اللاسلكي

وإلى اليوم وهو يشاقل في تلفون بيتهم

خخخخخخخخخخخخخخخخخخخخخخخخخخخخخخخخ
بطني يعورني من الضحك ..
بجد هذا حالته صعبه .. على الذكاء اللي فيه اكيد محد بيوظفه ..

اقتباس:

2- شاب في مقتبل العمر وأب لولد وبنت يهبلون وزوج لحرمته

بيش متأكده انه زوج لحرمته .. لووووووووووووووووووووول

اقتباس:

3- بوصايل ولد يمتلك من الغباء مالا يمتلكه غيره من البشر

اسمه نايف ولأن الاسم يخب عليه تم تعديله من قبل عيال الحارة إلى بوصايل

وسبب التسمية :

هو إجابته في مسابقة أقامها عمدة الحارة في مهرجان الحارة الترفيهي

سألوه : ماهو جمع كلمة بصل؟

ويوم شافه أبوه قايم يجاوب حامت تسبده وتلطم لاأحد يعرفه خابر ذهانة ولده

جاهم على المسرح وحط فمه في المايك ومع صوت الزفير قال : بصايل

انا خبري ان جمع كلمة بصل أبصااال .,,. على وزن افعال .. لا تكون معلومااتي خطااا

اقتباس:

هذا العنوان >> حلفي

وترى فتاة الغلاف أنا مسويتها بيد نفسي الشخصية

وكل خاماتها من وحي الطبيعة >> ماقصقصت جلال أمها أبددد

وملامحها أحلى من كذا وكانت فتاه ذات ملح وقبلة

وكانت تنافس باربي بس الواسطات ظلمتها

بيش تهبللل فتاة الغلااف اللي حاطتهاا ..

سوو كيووت .. تبيعينهااااا <<<<< هوايتهاا تجميع الدمى منذ نعومة اظفارهاا

اقتباس:

وإليكم الوظائف :

- حجّامين وقلاعين ضروس

تصدقين ونااااااااااااااسه .. اقلع ضروس خلق الله <<<<< عندها افكار اجراميه انتبهوا منهاا

اقتباس:

- مربي دواجن ومواشي

هذي مافي امل تصلح لي .. حيوانااات يا سلاام

اقتباس:

- مقاول بس ماهوب مثل المقاول اللي تعاقد معه أبوي

- مجموعة سواقين (عندنا عرض لكل عضو سواق وسيارة)

- مرّاخين ومسّاجين

- ذباحين الذباب والبراعيص (وجه صقاعة) >> سقاه الله الستايل القديم

تصدقين ما ناسبني الا اول وظيفه .. احس انك مسويتها عشااني ..
بس هاااه الراتب تراي ما ارضى بأقل من 7000 في البدايه بس ..و عاد هذا غير البدلات والترقياات ..
و الا اذا ماعجبكم اروح شركه ثانيه .. ترا الكل يبيني اتووظف عنده

اقتباس:

الفريق أول ركن سكيوريتي

والفريق الركن الثاني سكيوريتي ... وهكذا

بيشووو عندك فريق اول لاااا ما اقدر ..

تصدقين حلمي ايام المراهقه <<<اخس يالكبيره
اني اتزوج فريق أول مدري لييه .. و هلي يحاولون فيني ..
يقولون لي الفريق الأول يكوون كبير رجله والقبر وانا متمسكه براااي كييييييييييفي ..
واقول اذا ماجاني الفريق الاول بأضرب عن الزواج ..

طبعاً مع مرور السنواات تنازلت عن حلمي ..
بس مايمنع اذا لقيتي لي فريق اول ماا اقول لاا .. ما الحب الا للحبيب الاولي

اقتباس:

.¸¸۝شروط قبول المتقدمين ۝¸¸.

( أ ) أن يكون أبوه سعودي وأمه من مجلس التعاون

للأسف أبووي .. سعودي بس امي اسبانيه .. مايصيرر ..!!

اقتباس:

ب) حاصل على الشهادة الجامعية ومعدله لايقل عن واجد

استني علي كم سنه واكون اخذتهاا

اقتباس:

( جـ) خبرة لاتقل عن ست سنوات كرف في المجال اللي يبيه

و الله طول عمري أكرف خبرك البيت والعياال هذا المجال اللي ابيه <<<< الفيقيهااا بس

اقتباس:

( د ) يجيد التحدث بالانجليزية (اذا كان يعرف Yes و No خير وبركة)

what you want ??

اصلح و الا لا

اقتباس:

( ع ) يجيد الحساب على أصابع يديه ورجليه في أقل من ثانية

اشووا هذي فيني ,.., وبعد اجيد الحساب على يدين امي و العايله كل ابوهم

اقتباس:

( م ) أن لايصير أكبر اخوانه علشان أفصله وأنا مرتاحة يوم يصير عند أهله من يصرف عليهم >> ياقلبتس

و اذا كان اصغر اخوانه .. فللله صح ..

اقتباس:

و ) يصحو مبكرا على خرشة الساعة دون الحاجة لرجل ترفسه

واللي يحتاج احد يكب عليه جالون موويه ..

اقتباس:

( خـ) أن يكون اسمه ينتهي بحرف علّة

مب مشكله حتى لو ماينتهي بعله .. قصدي حرف عله .. نغيررره كم بيش عندنااا ..

اقتباس:

(ا) أن يكون طويل وماكلته العافية

طويل عرفناها .. بس ماكلته العافيه .. وشي.. قصدك دووب ..

اقتباس:

( ل ) توجد في خده من فوق حبة خال لونها باهت ،، يعني ماتنشاف بسرعة

بيش .. كنك تبين تطفشيني من الوظيفه .. بس موب مشكله احط لي حبة خال ,, الله يخلي الكحل .. لوووووووووول

اقتباس:

( و) وعيونه فيها حور ،، وخشمه سلة سيف ،، وعنده ضرس ذهب

ويلبس خاتم محكوك من الجنب شوي

لأنه طلع ذاك اليوم من البيت متنرفز وفتح باب السيارة بكل قوته ورجع الباب على اصبعه أبو الخاتم

وطاح حجر الزمرد التركوازي بس زين انه لقاه ولصّقه مكانه وصارت فيه علامة فارقه(الجنب المحكوك)

وشووو ذاااا .. يعني لازم سن ذهب ..

بس تدرين بجيب الالوان الفولمستر و بلون سني بالاصفر.. ذكيه صووح..

اقتباس:

(ب) وغالباً اسم أمه مزنة

لا امي حليله .. لو قلت لها غيري اسمك مابتقول لي لااا .. تحبيني و بتدلعني <<<< سلاماات

اقتباس:

(س) ومايسأل عن الراتب لو يبس من الفقر

حنا اتفقنا عالراتب قبل .. والا .....

اقتباس:

انتهى .......

اكيييييييييييد

اقتباس:

وسوف تكون هناك مقابلة شخصية واختبار شفهي وتحريري

ومطالبة المتقدم بإلقاء قصيدة من نظمه .. والشعر ماهوب صعب أبدن البته

كلها بيت وشطرين ونهايتها بحروف زي بعض

اسأليني أنااا<<<<<<<<<< شاعره ولا ابن فطيس

اقتباس:

وبعد جمع الدرجات سوف نتشاور مع اللجنة اللي ستشكل لاحقا

بمدى دخوله في مزاجهم وهل حبوه أم لا

واذا كان وسيم يبشر بالواسطة >> رئيسة اللجنة

و اذا كانت وسيمه زي حالتي .. تبشر بالواسطه صووح..

اقتباس:

ويذ نستودعكم الله >> يعني أطب في بطن أي فرد يتعرض للصور الفوتوشوبية

قضيناا ...

أجل لاحد يقرا ردي و يدقق فيه .. لأني كاتبته و النفسيه .. زفتوون .. و شايله هم امتحااني ..

يعني يعني .. ياليت تدعون لي .. زياده على دعاوي امي

يلا طحياااااااااتي...