الـزكـرتيه - عرض مشاركة واحدة

**بيـــــــــش** · 04-14-2007, 07:03 PM

8
8
بشيلتس انتي للحواق >> خمنت انه المخزن

وعليكوم السلام شيخوه هانم >> على أساس أعرستي على الشايب

شلونتس عسى تواجدتس سعاده وعسى أيامتس سوكر زيادة

من يوم نزل موضوعتس وأنا أفكر فيه وودي ارد

خبرتس طواري العرس ماتنعاف

وماردني عنه إلا الشديد القوي

اقتباس:

مابيه على خيل ابيض كنه خكري لااااا ابيه على بعير

وخري منااااااك

حلاته يجيتس على حصانه الأبيض ممتطياً صهوته ويخمتس ويطير بتس

ولا يرده إلا القمر تتمشون فيه يومين

وان ماعجبتس الجو قولي له يوديتس كوكب بلوتو يمدحون طيبة أهله

وجيبي لي معتس كم حصاه صوغه

اقتباس:

ورسمت ولونت وشكلت حياتي معه بالالوان الفلومستر

يعني نوع من المبالغه في الوضوح

تخبرون الشيبان النظر شجر

عبيروه احلفي ان الفلومستر جايبتها علشان الوضوح

اللي أعرفه انهم منعوها من المدارس (وجه سادس ألف جنب الحمام)

يقولون ان ريحتها القوية تأثر على المخ وتسبب السرطان الله يجيرنا

شكلتس مستعجله على الورث

شوري عليتس إلعبي معه أوستوغومايه وطيحي حيله وجوعيه يومين

وشيلي عنه خيشة علاجاته

كلها شهر ان كتب له ربي عمر وييبس ويتفتت

اجمعي رماده في علبة فضية واحجتفظي بها للذكرى

وان حدتس الزمن اخلطيه بحنا وبيعيه >> خضاب أموات

اقتباس:

واقول واحد طش ثنين طش

ويبطي مايطلع !

واطلع راسي ادوره الاه قاضبن مسكة الباب ياخذ نفس

ومااشوف هالابتسامه اللي شاقتن وجهه شق

ويقول تعالي ياشقيه

ميت ميت الله لايعوق بـ شر

تعالي شيخوه

جد وش هالكلمات اللي نقولها وحنا نلعب

هذي طش

والثانية (كوكو كوكو أنا .. سنيارافيكيه سنيارافيكيه ... هوه)

اللي يتحرك بعد الهوه يلحقونه ويوم يمسكونه يطقونه

والألعاب اللي نتكافخ في باليدين ومانخلص إلا أصابعنا تطلب الحل

ويسمونا نلعب

مثل ،، زازيزو ..سفن توديه .. اي يوم آنيه

ناقصنا لمبات حمر ومباخر ودخاخين وصوت جناني

والثانية ,, ميكي ماوس ميكي فوق ميكي تحت ميكي أمام ميكي خلف

ميكي الأذون (نشد أذونا)

وميكي العيون (ونبقق عيونا)

وميكي إلللل (نمغط ألسنتنا)

ميكي بوقس ,, والشاطرة اللي تفلت ومايجيها البوقس في بطنها

ووحدة حلوة

<< انبسطت ترى

شوكلاطه شوكلاطه شوكلاطه يوووه

آي لاف يو بنات السويس عيسى وعويس >> بنات السويس قالبين أساميهم

فجاء كمال أبو الأبطال وحرس بلادنا من الثوعبان

رحت لعمي سيّل دمي

رحت لبابا ضربني ثلاث ضربات

الضربة الأولى جت في ركبتي ،، آي ياركبتي

والضربة الثانية جت في سنتي ،، آي ياسنتي

والضربة الثالثة جت في عمتي ،، تستاهل عمتي >> بزارين مالهم خاتمة

أتمنى ان تكوني قد استمتعتي بهذهي الألعاب وحازت على رضاتسي >> على بوقس

وحاولي تلحقين تلعبينها مع رجلتس قبل يودع

ولاتقولينه ياغبية ترى قولتس يصدق وربي مايكتب لتس العرس إلا بشايب

وتندمين على كلمة قلتيها

فـ رب كلمتن قالت لصاحبها دعني >> ياحبني لي بس

شيخوه فكرة موضوعتس أنتيكة

تحسفت يوم قلتي انتهت الحتوته

ودي دخلتي في التفاصيل >> وش تبين بالضبط

شيخوه أحبتس

يعطيتس العافية وعساه يسلم هالقلم الخبل اللي بين أصابعتس

ويذ شمعة حياتتس >> يعني عساه شاب في مقتبل العومر ويطيح بدنتس مراكض