الـزكـرتيه - عرض مشاركة واحدة

**شقرديه** · 03-18-2007, 09:21 PM

نعنبو ابليس ياغريشة

كانتس موب ماتعرفين تختارين عناوين بس

الاّ ماتعرفين تشرحين لتس طبخة

عارفة بتقولين وش فيني وش سويت الله يسوي بالعدو

خليني استلمتس حبه حبه>>حشا موب مودميه صارت عنقود عنب>>

اقتباس:

من ناحية منقول فالصور منقوله بنمرة وأستماره

ما باقي الاّ تقولين إيه ناقلته وأط....... ماشوف انتم

اقتباس:

كيمرا ما لدي اغدي ابو لالا يسلفن مزيونته اخترش به بمطبخي وارجعه له مع مغرفة وحلة كشري <<تولد عندها الكيمرات لا يفوتكم

وش مالدي اخبرها ماعندي

ياختس انت وين مساقط رجلينتس فيه

وسالفة ان عبودي يسلفتس مزيونته فامسحي خشتس

اقتباس:

غالبية الكره الارضية تحب البطيطوس

شوفي اختي غرش رش

مسألة انا انتس تنقلين صور

ونسكت لتس مايخالف بحكم ان قوانين المقلط تسمح بذلك

بس انتس تسذبين علينا ليه لاققيتنا

وش اللي أغلب الكرة الأرضية

مسويه دراسة الأخت وحنا ماندري

يعني تأكدي من معلوماتس

ماتسوى علينا يجي احد الضيوف ويقرا هالكلام ويروح ينقله

في احد المنتديات ويقول العهدة على بيت الزكرتية

ويتضح نصبتس وبعدين يتناقلون المنتديات ان بيت الزكرتية

تروج اخبارغير صحيحة

همين ماعاد احد يسجل معنا >>ماكأنتس كبرتي أم أم السالفة

اقتباس:

عقب نبغزه بالشوكه مع كل شنق عشان ينضج من الداخل اذا طبخناه ولا يتفقش اذا شققناه بالسكين

جعل مايبغزتس الشر

طيب الحين الى هينا وحنا ماشين في السليم نجي للخطوة اللي بعدها

اقتباس:

تلفين كل وحده منهن بالقصدير الالمونيوم وباحكام عشان ما يصير بوه هواء وتنضج اسرع

مثل ما تلفين حلاوة التوفي من كل شنق امقطي جدن جابه

اقتباس:

عقب ما يستوي ساعه او اقل او اكثر حسب ما تشوفين وتحسين

اقطعي البطاطس نصين ورصيهن بصينيه وقطعي فوق كل قطعه نتيفه زبيده لا تنكتين >>>ليتهم راقدين

الحين عقب مانمقط جدن جابه

وش نسوي به ؟؟

ماوضحتي الطريقة اللي بعدها

خليتس منا حنا السنعات أنا وشهد ونص قلب وسحابه>>عشانها عضيدتي بس

حنا دارين انها تحط بالفرن

لكن تجيتس وحدتن رفلا >>ماودي أصرح بأسماء مثل نموله وبيش

بيقولن بينهن وبين انفسهن

عقب مانتك عقل البطاطس بالقصدير

وش نسوي به

هل نشويه على عيون القز>>الله من الغبار

ولا نحطه بالفرن ؟؟

ولا نجدعه في الحوش في عين الشمس لين يستوي

فلازم انتس تشرحين بالتفصيل عشان مثل هالفئة الداجة

غرشه اسحبي على ماذكر اعلاه الاّ جعل مايبغزتس الشر

الوكاد انتس اثلجتي صدري بهالطبخة

خاصتن اني اموت في دباديب البطاطس

وناوين نكتب الكتاب الأسبوع القاي

تسلمين ياغروشي والله يعطيك العافية

وصراحة الواحد يخونه التعبير

لكن ما أقول الاّ الله يبعت لك حمى شو ما أحلاكي وما أحلى جلايبك

وعقبال مانشوف لك مشاركات من تصويرك

اقتباس:

وبالهناء والبدرية والمضاوي والمها والسهى والعافية

غرشة اعترفي من علمك بأسمي أشوفه مع المتواجدين اعلاه