الـزكـرتيه - عرض مشاركة واحدة

**وجع مفاصل** · 03-13-2007, 06:14 PM

سلام

تقولون ولا ماتقولون

لي صاحب ماجوز دونه

كلمات كان يرددها قائد فرقة المبرز

في حفل حضره نخبة اهالي منطقة الاحساء

بالأمس ... البارح ...

إتصل بي صاحب ما اجوز دونه

...اتصل بي

ابو نوال ... قالي يابو فلان بمرك نسير على

العيال بالاستراحه ...

انا شفت نفسي فرررري...

قلت اوكيه ... ولا بالعاده انا ما اطلع من البيت ...

ركبت معه وانا مستغرب اني طلعت من البيت ...

الزبده دخلنا الاستراحه وكانت مليانه شباب ...

قلت ياويلي كل ذولي ...

بسلم عليهم ...

الله يعينك يالرقبه ...

سلمنا وجلسنا ....

وفي زحمة السوالف ... والسلامات ...

بدأت الاوضاع بالترتيب ... لعب ورقه ...

والاستمتاع بكوكبة القنوات العربية الحديثة ..

والبرزات الجانبيه ... جو ملخبط ...

لاشك عندي بأن الاحساس المشترك ... هو التسليه ...

وقضاء الوقت لا اكثر ...

اوكيه ....

بعد ماهدت الاوضاع ... جاء فيديو كليب لاغنيه حلوه ...

وسرعان ما انتهت ... وتوالت بعدها الكليبات ...

واصبح الجو جو دي جي ... والكل منسجم غصب ولا طيب ...

لأن الملك حق الاستراحه ... معاه الريموت ..

ومقابل الشاشه..

فجأه ... تكلم واحد من الجالسين وقال ..

الفنان هذا اللي يغني وسيم وهو اوسم فنان عربي

احس فيه رجوله ثقيله ... مو اي كلام ...

وقتها كان راسي ملتفت صوبه ... ماسمعت الا الصوت اللي

جاي من الجهه الثانيه ... يقول وينه ووين الوسامه

شف جبهته تحس كبيره ... انا رايي ان الفنان ذاك اللي يغني

اغنية ذيك ... هو احلى فنان عربي من كل النواحي ...

الجسم ... الشكل ... الهندام ... الصوت ...

ياخي حتى بحت صوته تحسسك بالحنان ...

اتمنى اني اقابله ...

تطور الموضوع وشمل مداخلات ثلثين الحاضرين ...

انا دخلت في الموضوع وقلت ماعلى صوت

محمد عبده ...

قالوا لي اوكيه ما اختلفنا ... بس احنا نقصد اشياء ثانيه ...

استغربت من شي واحد ...

مو في الموضوع كموضوع عابر ... وانما الاهتمام والتوسع

في النقاش ... هو اللي اثارني ...

وتسائلت بيني وبين نفسي ...

لو الموضوع عن تمايز وجهات نظرهم عن فنانات

كان قلت شي طبيعي من العنصر الذكوري ...

لكن كذا وبكل طبيعيه ... مدري احس بشي غريب ..

شي مو طبيعي راح يصير ...

تعصبات رجاليه سعوديه شبابيه ... عن سملق عرب مستعربه ..

واهتمام ومشاحنات ... تصل لدرجة ... ان الواحد اذا يبي يقهر

الثاني يقول يالبا قلب الفنان ذاك بس اشهد انه جنتل ...

اموت على رجولته ...

ياجماعه انا مدري وش السالفه ... معي حق ..

ولا هالشي طبيعي وانا معطيه اكبر من حجمه ...

وفيه اشياء تغيرت وانا مدري عنها ... الزبده اني قلت

لخويي وحنا راجعين عن ملاحظتي على اللي صار ...

قال ياخي عادي وش فيك انت رجاجيل تحكي في رجاجيل ...

قلت اقول قال هاه ... قلت نزلني برقد وراي دوام ...

قال لي لحظه ... هجل لو تسمع البنات وهم يتناقشون

في الفنانات والممثلات ... قلت افا وش يقولون ..

قال مايخلون شي فيها الا مايوصفونه ... قلت

هذولا بنات ولا شباب ... قال لا بنات ...

ومو اي بنات بنات كذا

قلت تدري قال هاه ... قلت انا انتفخ راسي

من هالاغاني والطقطقه ... تكفا سمعني شي

لابو نوره ... قال اي اغنيه تبي ...

قلت حط لي ...

يازمان العجايب ...