السلام علكيم

مساكم الله بالخير يامشجعين

أززيكم وش حالكم

من حظي الزين أني أول ماسجلت فتح هالموضوع بوجهي << أحلف

الموهيم

لفت نظري رد مسجل بس يرد <<< أدري أنقلبت روسكم

الزبده أنه من كلامه فهمت ان النصر ماله داعي وماحطو له أي اعتبار ومن هالكلام طيب

مادام أنك تقول كذا ليه متعب نفسك وكاتب لك صفحه طويله عريضه هذا وهو مايستاهل أجل لو

يستاهل وش بتكتب معروض <<<< (وجه واحد يطر عند الشيوخ)



أنا اللي أشوفه ان الموضوع عن جماهير الشمس وش دخل الزعيق ماأدري لكن بما أنهم دخلو

في الموضوع أحب أنبه الاخو أن ناديهم جلس 13 سنه ماحقق بطوووووله واذا يبي يتأكد يرجع

للتاريخ لأنه ذاك الوقت مابعد طلع على الدنيا

ثانيا من جد والله ليه منقهرين ياخي نشجع هالنادي ونحبه حتى لو يلعب في حارتنا وش اللي

حارق رزكم حتى وقت مباراة الفيصلي الاردني كان عندي هلاليين في البيت يقولون لعنبو

بليسكم هذا وانتم لكم 9 سنوات ماحققتو بطوله وهذي جماهيركم أجل لو حققتوها وش بتسوون

على العموم هذا شي مو غريب على جماهير الشمس جماهير الوفاء

وأحب أذكرك أنه لما كان وقت الخمسات حقت الأهلي والشارقه هجرتوا المدرجات ذاك الموسم

ومارجعتوا الا بالطقاق وحب الخشوم وتكفون أحضروا واللي يرحم والديكم أحضروا وصلنا

للنهائي بس أنتم احضروا والدخول مجاني بس أنتم تعالوا ........

وللحديث بقيه بس الغداء برد <<<< يحس بتجيه ملعقه في رأسه تمشي مليوووون

يالبى قلوبهم حكومة الموقع ميولهم للعالمي ونعم والله

عميد الزكرتيه وعبودي لالا أنا أشهد أنكم ذيابه <<<< يبي الاشراف من الحين



تقبلوني ضيف خفيف عندكم ولنا الشرف والله